Në një super ndeshje të zhvilluar në Mitrovicë dhe dramatike deri në fund, Sigal Prishtina ka fituar derbin e javës së 18-të të ProCredit Superligës ndaj Trepçës me rezultat 86:88 (27:20, 15:24, 28:22, 16:22).

Pas një fillimi të baraspeshuar, mitrovicasit kishin epërsi deri në tetë e nëntë pikë, 27:18, derisa çereku i parë përfundoi 27:20. Megjithatë, bardhekaltrit nuk u dorëzuan dhe filluan rikthimin në periudhën e dytë, duke e fituar këtë pjesë 15:24, për të shkuar në pushim me rezultat 42:44.

Drama vazhdoi deri në fund. ‘Xehetarët’ fituan periudhën e tretë 28:22, dhe drama ishte deri në fund, ku herë njëra skuadër e herë tjetra kalonte në epërsi, deri në fund vendimtar ishin pikët nga Rashid Mahalbashiq.

Te vendasit u dalluan Michael Myers me 15 pikë e 16 kërcime, Drilon Hajrizi dhe Tekele Cotton me nga 21 pikë, ndërsa te mysafirët u dalluan Tyrrel Tate me 24 pikë dhe Jawachi Nzeakor me 19 pikë e pesë kërcime.

Trepça ka 12 fitore e gjashtë humbje, kurse Sigal Prishtina ka dhjetë fitore e tetë humbje./telegrafi